നേമം: നേമം റെയില്‍വേ സ്റ്റേഷനും പരിസര പ്രദേശങ്ങളും കഞ്ചാവ് സംഘത്തിന്റെ പിടിയിലെന്ന് സൂചന. ട്രെയിന്‍ മാര്‍ഗം നേമം റെയില്‍വേ സ്റ്റേഷനില്‍ എത്തിക്കുന്ന കഞ്ചാവ് യുവാക്കളുടെ നേതൃത്വത്തില്‍ ആവശ്യക്കാര്‍ക്ക് എത്തിച്ചു കൊടുക്കുകയാണ് പതിവ്. കഞ്ചാവ് തേടി ആവശ്യക്കാര്‍ ഇവിടെ എത്തിച്ചേരുന്നതായും സമീപ വാസികള്‍ പറയുന്നു.
കാട്ടാക്കട റോഡിലുള്ള റെയില്‍വേ മേല്‍പ്പാലത്തന് സമീപവും പ്രാവച്ചമ്പലം ചാനല്‍ക്കര കേന്ദ്രീകരിച്ചും കഞ്ചാവ് വില്‍പന നടക്കുന്നതായി പറയുന്നു. കഞ്ചാവിന് പുറമേ അന്യ സംസ്ഥാനങ്ങളില്‍ നിന്ന് വന്‍ തോതില്‍ പുകയില ഉല്‍പ്പന്നങ്ങളും ഈ ഭാഗത്ത് എത്തിച്ചേരുന്നതായി സമീപവാസികള്‍ പറയുന്നു. ഈ ഭാഗത്ത് നേമം പൊലിസോ എക്‌സൈസ് അധികൃതരോ തിരിഞ്ഞു നോക്കുന്നില്ല എന്ന പരാതിയും വ്യാപകം.