കാടാച്ചിറ: ബൈക്ക് യാത്രികന്റെ ദേഹത്ത് മരം വീണ് ഗുരുതരാവസ്ഥയില്‍. ഇന്നലെ വൈകുന്നേരം 5.30 ഓടെയാണ് സംഭവം. കൂത്തുപറമ്പില്‍ നിന്ന് തോട്ടടയിലേക്ക് വരുകയായിരുന്ന മേലേരി വീട്ടില്‍ നാദിര്‍ഷ(45) ആണ് പരിക്കേറ്റത്. അപകടത്തില്‍ ബൈക്ക് ഓടയിലേക്ക് തെറിച്ചുവീണു.
ഗുരുതരമായി പരിക്കേറ്റ ഇയാളെ ആശുപത്രിയില്‍ എത്തുന്നതിന് ആംബുലന്‍സിന് കാത്തുനില്‍ക്കവേ അതുവഴി വന്ന ട്രോമാകെയര്‍ പ്രവര്‍ത്തകന്‍ അനൂപ് തവരയാണ് നാദിര്‍ഷയെ എ.കെ.ജി ആശുപത്രിയിലെത്തിച്ചു. ഇയാള്‍ തീവൃപരിചരണ വിഭാഗത്തില്‍ ചികിത്സയിലാണ്.
അപകട നില തരണം ചെയ്തതായി ആശുപത്രി അധികൃതര്‍ അറിയിച്ചു.