തലശ്ശേരി: ധര്‍മടത്ത് സി.പി.എം ഓഫിസിന് നേരെ അക്രമം. ധര്‍മടം സ്വാമിക്കുന്നിലെ സി.പി.എം ബ്രാഞ്ച് ഓഫിസായി പ്രവര്‍ത്തിക്കുന്ന പുതിയാണ്ടി കണാരന്‍ സ്മാരക മന്ദിരമാണ് അക്രമിച്ചത്.
ഞായറാഴ്ച പുലര്‍ച്ചെയാണ് സംഭവം. ജില്ലയില്‍ സമാധാന ചര്‍ച്ചകള്‍ നടക്കുന്നതിനിടയിലാണ് ഇത്തരമൊരു ആക്രമണം നടന്നത്. സ്വാമിക്കുന്നിലെ ഒരു കല്ല്യാണവീട്ടില്‍ നിന്ന് മദ്യപിച്ചെത്തിയ ആര്‍.എസ്.എസ് സംഘമാണ് ഓഫിസ് അക്രമിച്ചതെന്ന് സി.പി.എം നേതൃത്വം പരാതിപ്പെട്ടു. ഓഫിസിന്റെ ജനല്‍ചില്ലുകളും മറ്റും അക്രമി സംഘം അടിച്ചു തകര്‍ത്തിട്ടുണ്ട്. സമീപത്തെ കൊടി മരവും തകര്‍ത്തു. സംഭവത്തില്‍ ധര്‍മടം പൊലിസ് 10 ബി.ജെ.പി-ആര്‍.എസ് പ്രവര്‍ത്തകര്‍ക്കെതിരെ കേസെടുത്തു.