ലണ്ടന്‍: ചരിത്രംകുറിച്ച തായ്‌ലന്‍ഡ് ഗുഹാ രക്ഷാപ്രവര്‍ത്തനത്തില്‍ പങ്കെടുത്ത ബ്രിട്ടീഷ് പൗരന്മാര്‍ക്ക് ബ്രിട്ടന്റെ ധീരതാ പുരസ്‌കാരം. ബ്രിട്ടീഷ് രാജ്ഞി നല്‍കുന്ന പ്രത്യേക അംഗീകാരമാണ് നാല് ബ്രിട്ടീഷ് മുങ്ങല്‍വിദഗ്ധരെ തേടിയെത്തിയിരിക്കുന്നത്.ബ്രിട്ടന്‍ എല്ലാവര്‍ഷവും പുതുവര്‍ഷാഘോഷത്തിന്റെ ഭാഗമായി പ്രഖ്യാപിക്കുന്ന ആദരപട്ടികയില്‍ ധീരതാ വിഭാഗത്തിലാണ് രക്ഷാദൗത്യത്തില്‍ പങ്കെടുത്ത നാലുപേരും ഉള്‍പ്പെട്ടത്. മികച്ച പ്രതിഭാധനരുടെ പട്ടികയില്‍ ഉള്‍പ്പെടുത്തി ബ്രിട്ടീഷ് ഹാസ്യതാരം മൈക്കല്‍ പാലിന്‍, മോഡല്‍ ട്വിഗ്ഗി എന്നിവര്‍ക്കും അംഗീകാരം ലഭിച്ചിട്ടുണ്ട്. ചലച്ചിത്ര നിര്‍മാതാവ് ക്രിസ്റ്റഫര്‍ നോളന്‍ അടങ്ങുന്ന സംഘമാണ് പ്രഖ്യാപനം നടത്തിയത്.
പൊതുജനങ്ങളില്‍നിന്ന് അഭിപ്രായം സ്വീകരിച്ചാണ് സാധാരണ ആദരപട്ടിക തയാറാക്കുന്നത്.