മനില: ഫിലിപ്പൈന്‍സില്‍ വന്‍ ഭൂചലനം. ദക്ഷിണ ഫിലിപ്പൈന്‍ ദ്വീപായ മിന്ദനാവോയുടെ തീരത്താണ് റിക്ടര്‍ സ്‌കെയിലില്‍ 6.9 തീവ്രത രേഖപ്പെടുത്തിയ ശക്തമായ ഭൂചലനം അനുഭവപ്പെട്ടത്. ആളപായം റിപ്പോര്‍ട്ട് ചെയ്തിട്ടില്ല. സംഭവത്തെ തുടര്‍ന്ന് ഫിലിപ്പൈന്‍സ്, ഇന്തോനേഷ്യ, പലാവു തീരങ്ങളില്‍ പസഫിക് സുനാമി മുന്നറിയിപ്പ് കേന്ദ്രം സുനാമി ഭീഷണി നല്‍കിയിരുന്നു.
ഇതു പിന്നീട് പിന്‍വലിച്ചു. ഭൂചലനത്തെ തുടര്‍ന്ന് ജനറല്‍ സാന്റോസ് നഗരത്തില്‍നിന്നു 193 കി.മീറ്റര്‍ ദൂരത്തില്‍വരെ ഭൂചലനത്തിന്റെ പ്രകമ്പനങ്ങളുണ്ടായതായി യു.എസ് ജിയോളജിക്കല്‍ സര്‍വേ അറിയിച്ചു. ചില ഭാഗങ്ങളില്‍ കെട്ടിടങ്ങള്‍ തകര്‍ന്നതൊഴിച്ചാല്‍ കാര്യമായ നാശനഷ്ടങ്ങളുണ്ടായിട്ടില്ലെന്ന് സര്‍ക്കാര്‍ വൃത്തങ്ങള്‍ അറിയിച്ചു.