കാസര്‍കോട്: സ്വാതന്ത്ര്യ സമര സേനാനിയും കമ്മ്യൂണിസ്റ്റ് കര്‍ഷക പ്രസ്ഥാനത്തിന്റെ മുതിര്‍ന്ന നേതാവുമായ കെ മാധവന്റെ പേരില്‍ കാഞ്ഞങ്ങാട് കെ.മാധവന്‍ ഫൗണ്ടേഷന്‍ ഏര്‍പ്പെടുത്തിയ പുരസ്‌കാരത്തിന് ന്യൂഡല്‍ഹി ജെ.എന്‍.യുവിലെ വിദ്യാര്‍ഥി യൂനിയന്‍ മുന്‍ ചെയര്‍മാന്‍ കനയ്യ കുമാറിനെ തിരഞ്ഞെടുത്തതായി ഫൗണ്ടേഷന്‍ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
അരലക്ഷം രൂപയും പ്രശസ്തി പത്രവും അടങ്ങുന്ന പുരസ്‌കാരം സെപ്റ്റംബര്‍ 24ന് കാഞ്ഞങ്ങാട് നടക്കുന്ന ചടങ്ങില്‍ സമ്മാനിക്കുമെന്ന് സംഘാടകര്‍ പറഞ്ഞു.
വാര്‍ത്താ സമ്മേളനത്തില്‍ ഫൗണ്ടേഷന്‍ ചെയര്‍മാന്‍ മന്ത്രി ഇ.ചന്ദ്രശേഖരന്‍, വൈസ് ചെയര്‍മാന്‍മാരായ അഡ്വ.സി.കെ ശ്രീധരന്‍, എ.കെ നാരായണന്‍, ജനറല്‍ സെക്രട്ടറി ഡോ. സി ബാലന്‍, ട്രഷറര്‍ എ.വി രാമകൃഷ്ണന്‍, അവാര്‍ഡ് കമ്മിറ്റിയംഗങ്ങളായ പ്രൊഫസര്‍ എം.എ റഹ്മാന്‍, ഡോ.വി.പി.പി മുസ്തഫ, അജയകുമാര്‍ കോടോത്ത് സംബന്ധിച്ചു.