ചെറുതുരുത്തി : ആയുര്‍വ്വേദ മെഡിക്കല്‍ അസോസിയേഷന്‍ ഓഫ് ഇന്ത്യ തൃശൂര്‍ സോണ്‍ ചെറുതുരുത്തി പൂമുള്ളി നീലകണ്ഠന്‍ നമ്പൂതിരിപ്പാട് ആയുര്‍വ്വേദ മെഡിയ്ക്കല്‍ കോളജില്‍ വെച്ച് സംഘടിപ്പിച്ച ആയുര്‍വ്വേദിക 2017 കലോത്സവത്തില്‍ തൃശൂര്‍ ജില്ല ചാംപ്യന്മാര്‍, പാലക്കാട് തൃശൂര്‍ മലപ്പുറം ജില്ലകളിലെ ഡോക്ടര്‍മാരേയും കുടുംബാംഗങ്ങളേയും പങ്കെടുപ്പിച്ചാണ് കലോത്സവം നടന്ന് വന്നിരുന്നത്.
200 ഓളം ഡോക്ടര്‍മാര്‍ വിവിധ മത്സരങ്ങളില്‍ മാറ്റുരച്ചു. സീനിയര്‍ വിഭാഗത്തില്‍ ഡോക്ടര്‍ കെ. ജയകൃഷ്ണനും (തൃശൂര്‍), ജൂനിയര്‍ വിഭാഗത്തില്‍ പ്രണവ് മധു (തൃശൂര്‍), കലാപ്രതിഭകളായി. ഡോ. ജമുന (പാലക്കാട്), ഗായത്രി വി. മേനോന്‍ (മലപ്പുറം) എന്നിവരാണ് കലാ തിലകങ്ങള്‍.
ഡോ. മണ്‍സൂര്‍ അലി ഗുരുക്കള്‍, തൃശൂര്‍ ഡി.എം.ഒ ഷീലാ കാറളം, വനിതാ കമ്മിറ്റി ചെയര്‍പേഴ്‌സണ്‍ ഡോ. സാവിത്രി സമ്മാനദാനം നിര്‍വ്വഹിച്ചു. ഡോക്ടര്‍മാരായ സുലൈമാന്‍, പി. ജയറാം, അര്‍ജുനന്‍ സംസാരിച്ചു.