പഴയങ്ങാടി: പട്ടുവം പിരമുട്ടിലെ വി.വി ഹൗസില്‍ ബി മുസ്തഫ (45) യെ മുംബൈയില്‍ കാണാതായതായി പരാതി. പത്തു വര്‍ഷത്തോളമായി മുംബൈയില്‍ ജോലി ചെയ്തു വരുകയായിരുന്നു.
കഴിഞ്ഞ ജൂണ്‍ മൂന്നിനു മാട്ടൂല്‍ ബേതാബ്രം പള്ളിക്കു സമീപത്തെ ഭാര്യ വീട്ടിലേക്കാണെന്നു പറഞ്ഞു പുറപെട്ടതായിരുന്നു. കഴിഞ്ഞ മാസം മുംബൈയിലെ കടയുടമ മാട്ടൂലിലെ ഭാര്യവീട്ടില്‍ വിളിച്ചപ്പോഴാണ് മുസ്തഫ പുറപ്പെട്ട വിവരം ബന്ധുക്കള്‍ അറിയുന്നത്. തുടര്‍ന്ന് മുംബൈയിലും നാട്ടിലും അന്വേഷണം നടത്തിയെങ്കിലും മുസ്തഫയെ കണ്ടെത്താനായിട്ടില്ല. മുസ്തഫയെ കാണാതായതില്‍ ദുരൂഹതയുണ്ടെന്ന് ബന്ധുക്കള്‍ പഴയങ്ങാടി പൊലിസില്‍ പരാതി നല്‍കി. വിവരം ലഭിക്കുന്നവര്‍ അടുത്ത പൊലിസ് സ്റ്റേഷനിലോ 9895574996 നമ്പറിലോ ബന്ധപ്പെടണം.