പയ്യന്നൂര്‍: പണം ചോദിച്ചെത്തിയ യുവാവ് വീട്ടമ്മയെ കുത്തി പരുക്കേല്‍പ്പിച്ചു. ഇന്നലെ വൈകിട്ട് മൂന്നോടെയാണ് സംഭവം. പയ്യന്നൂര്‍ മമ്പലം സുരഭി നഗറില്‍ താമസിക്കുന്ന നമ്പീശന്‍ മീത്തിലെ ജാനകി (60) യെയാണ് കോറോം സ്വദേശിയായ പി. പ്രദീപന്‍ (42) കുത്തി പരുക്കേല്‍പ്പിച്ചത്.
ജാനകിയുടെ വയറിന്റെ ഇരുവശങ്ങളിലും കഴുത്തിനും തലയ്ക്കുമാണ് പരുക്കേറ്റത്. നിലവിളി കേട്ടെത്തിയ നാട്ടുകാര്‍ ജാനകിയെ പയ്യന്നൂരിലെ സഹകരണാശുപത്രിയില്‍ എത്തിച്ചു. വിവരമറിഞ്ഞ് പൊലിസ് സ്ഥലത്തെത്തി പ്രതിയെ കസ്റ്റഡിയിലെടുത്തു. മദ്യപിച്ച് ജാനകിയുടെ താമസസ്ഥലത്തെത്തിയ ഇയാള്‍ പണം ചോദിച്ചപ്പോള്‍ ജാനകി പണം തരില്ലെന്ന് പറഞ്ഞതിന്റെ വൈരാഗ്യത്തില്‍ കൈയ്യില്‍ കരുതിയ കത്തിയെടുത്ത് കുത്തിയതെന്നാണ് പ്രതി പൊലിസിന് മൊഴി നല്‍കിയത്. പ്രതിയുടെ ഭാര്യ വീടിനു സമീപം താമസിക്കുന്ന ജാനകിയുടെ വീട്ടില്‍ ഒരു വര്‍ഷം മുന്‍പ് ഇയാള്‍ പെയിന്റിങ് ജോലിക്കെത്തിയിരുന്നു. ഇയാള്‍ക്കെതിരേ വധശ്രമത്തിന്
കേസെടുത്തു.