താഴെക്കോട്: പെരിന്തല്‍മണ്ണയുടെ മാരത്തണല്‍ ടീമായ 'സോള്‍സ് ഓഫ് പെരിന്തല്‍മണ്ണ'യുടെ ആഭിമുഖ്യത്തില്‍ 'ക്ലീന്‍ കൊടികുത്തി' പദ്ധതിക്ക് തുടക്കം കുറിച്ചു. അമ്മിനിക്കാട് കൊടുകുത്തിമലയിലെ മുഴുവന്‍ മാലിന്യങ്ങളും നീക്കം ചെയ്യുകയും വേസ്റ്റ് ബോക്‌സുകള്‍ സ്ഥാപിക്കുകയും ടൂറിസ്റ്റുകള്‍ക്ക് വേണ്ട നിര്‍ദേശങ്ങള്‍ അടങ്ങുന്ന സൈന്‍ ബോര്‍ഡുകള്‍ ഒരുക്കുകയും ചെയ്തു. ഉദ്ഘാടനം മഞ്ഞളാംകുഴി അലി എം.എല്‍.എ നിര്‍വഹിച്ചു. താഴെക്കോട് പഞ്ചായത്ത് പ്രസിഡന്റ് എ.കെ നാസര്‍ മാസ്റ്റര്‍ അധ്യക്ഷനായി. പഞ്ചായത്തംഗങ്ങളായ ഹംസത്ത്, സി.ഹംസ, ഫോറസ്റ്റ് റേഞ്ച് ഓഫിസര്‍ രതീശന്‍, ഡെപ്യൂട്ടി റേഞ്ച് ഓഫിസര്‍ ടി.പി സൂലപാണി, കെ.ആര്‍ രാജേഷ്, ക്ലബ് കോഡിനേറ്റര്‍ ഷൈജല്‍ സംസാരിച്ചു.