തളിപ്പറമ്പ് : വ്യാപാരി വ്യവസായി ഏകോപന സമിതി തളിപ്പറമ്പ് യൂനിറ്റ് വാര്‍ഷിക ജനറല്‍ബോഡിയോഗം കപ്പാലം വ്യാപാരിഭവനില്‍ സംസ്ഥാന ട്രഷറര്‍ ദേവസ്യ മേച്ചേരി ഉദ്ഘാടനം ചെയ്തു. തളിപ്പറമ്പ് നഗരസഭാ ചെയര്‍മാന്‍ അള്ളാകുളം മഹമ്മൂദ് മുഖ്യ പ്രഭാഷണം നടത്തി. കിടപ്പുരോഗികള്‍ക്കായി വ്യാപാരി വ്യവസായി ഏകോപന സമിതി നല്‍കുന്ന വീല്‍ചെയര്‍ തളിപ്പറമ്പ നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ പി മുഹമ്മദ് ഇക്ബാല്‍ വിതരണം ചെയ്തു. അംഗങ്ങളുടെ മക്കളില്‍ എസ്.എസ്.എല്‍.സി, പ്ലസ്ടു പരീക്ഷയില്‍ ഉന്നതവിജയം നേടിയവര്‍ക്കുള്ള അവാര്‍ഡ് അള്ളാംകുളം മഹമ്മൂദ് വിതരണം ചെയ്തു. പുതിയ അംഗങ്ങള്‍ക്കുള്ള മെമ്പര്‍ഷിപ്പ് വിതരണം ജില്ലാ ജനറല്‍ സെക്രട്ടറി പി ബാഷിത്തും ചികിത്സാ സഹായ വിതരണം ജില്ലാ വൈസ് പ്രസിഡന്റ് കെ.പി ഹസന്‍ഹാജി നിര്‍വഹിച്ചു. തപസ് ഡയാലിസിസ് സെന്ററിനുള്ള ധനസഹായം തപസ് ഡയാലിസിസ് ചെയര്‍മാന്‍ ഡാന്‍ഡി റഫീഖിനു കൈമാറി.  ജില്ലാ സെക്രട്ടറി പി സിദ്ധിഖ്, നഗരസഭാ വൈസ് ചെയര്‍പേഴ്‌സണ്‍ വത്സലാപ്രഭാകരന്‍, കെ ഹഫ്‌സത്ത്, കെ ഷമീര്‍ എന്നിവര്‍ സംസാരിച്ചു. യൂനിറ്റ് പ്രസിഡന്റ് കെ.എസ് റിയാസ് അധ്യക്ഷനായി. വി താജുദ്ദീന്‍ സ്വാഗതവും ടി ജയരാജ് നന്ദിയും പറഞ്ഞു.