എളേറ്റില്‍: കാന്തപുരത്ത് നീര്‍ത്തടങ്ങളും വയലുകളൂം മണ്ണിട്ട് നികത്തുന്നതിനെതിരെയും വര്‍ധിച്ചുവരുന്ന മാലിന്യ പ്രശ്‌നങ്ങള്‍ പരിഹരിക്കുന്നതിനും ശക്തമായ പ്രക്ഷോഭ പരിപാടികള്‍ സംഘടിപ്പിക്കാന്‍ കാന്തപുരം നീര്‍ത്തട സംരക്ഷണ സമിതി തീരുമാനിച്ചു. നിയമവിരുദ്ധമായി വയല്‍ നികത്തലിന് നല്‍കിയ അനുമതി റദ്ദു ചെയ്യാനും ഇതിനു കൂട്ടുനിന്ന ഉദ്യോഗസ്ഥര്‍ക്കെതിരേ നടപടി സ്വീകരിക്കുന്നതിനായി വകുപ്പു മന്ത്രിക്കും ജില്ലാ കലക്ടര്‍ക്കും പരാതി നല്‍കാനും യോഗം തീരുമാനിച്ചു. മെംബര്‍ എ.പി രാഘവന്‍ ഉദ്ഘാടനം ചെയ്തു. അജിത്ത് കുമാര്‍ അധ്യക്ഷനായി. ഫസല്‍ വാരിസ്, സുല്‍ഫിക്കര്‍ ഇബ്രാഹിം, റഹീസ് സംസാരിച്ചു.