ഓമശ്ശേരി: എസ്.കെ.എസ്.എസ്.എഫ് ഓമശ്ശേരി മേഖലാതല ഫ്രീഡം സ്‌ക്വയര്‍ ഇന്നു വൈകിട്ട് നാലിന് ഓമശ്ശേരിയില്‍ നടക്കും. സുപ്രഭാതം എക്‌സിക്യൂട്ടീവ് എഡിറ്റര്‍ എ. സജീവന്‍ ഉദ്ഘാടനം ചെയ്യും. മിര്‍ഷാദ് യമാനി ചാലിയം പ്രമേയ പ്രഭാഷണം നടത്തും. ഇതോടനുബന്ധിച്ചു ചേര്‍ന്ന യോഗത്തില്‍ മേഖലാ പ്രസിഡന്റ് പി.ടി മുഹമ്മദ് കാതിയോട് അധ്യക്ഷനായി. ജില്ലാ വര്‍ക്കിങ് സെക്രട്ടറി നൂറുദ്ദീന്‍ ഫൈസി മുണ്ടുപാറ ഉദ്ഘാടനം ചെയ്തു. മുനീര്‍ കൂടത്തായി, നിസാം ഓമശ്ശേരി, ഗഫൂര്‍ മുണ്ടുപാറ, സിദ്ദീഖ് നടമ്മല്‍പൊയില്‍, ജലീല്‍ ഫൈസി പുറായില്‍, സാദിഖ് സാലിഹി മേപ്പള്ളി, അഷ്‌റഫ് ജാറംകണ്ടി, ജഅ്ഫര്‍ ഫൈസി കണിയാര്‍കണ്ടം, ഷാഫി മുറമ്പാത്തി സംസാരിച്ചു. സെക്രട്ടറി ഹാരിസ് ഹൈത്തമി തെച്യാട് സ്വാഗതവും വര്‍ക്കിങ് സെക്രട്ടറി സഈദ് ഓമശ്ശേരി നന്ദിയും പറഞ്ഞു.
മുക്കം: എസ്.കെ.എസ്.എസ്.എഫ് മുക്കം മേഖലാതല ഫ്രീഡം സ്‌ക്വയര്‍ ഇന്നു വൈകിട്ട് നാലിന് ചെറുവാടി ചുള്ളിക്കാപറമ്പില്‍ നടക്കും. 3.30ന് ചെറുവാടി ദാറുല്‍ ഹസനാത്തില്‍ നിന്നു റാലി ആരംഭിക്കും. വി. കുഞ്ഞാലി ഉദ്ഘാടനം ചെയ്യും. ആബിദ് ഹുദവി തച്ചണ്ണ മുഖ്യപ്രഭാഷണം നടത്തും. കെ. മോയിന്‍കുട്ടി മാസ്റ്റര്‍, പി.ജി മുഹമ്മദ്, കെ.വി അബ്ദുറഹ്മാന്‍, മോയന്‍ കൊളക്കാടന്‍, കെ.പി അലി, പി.പി ജലീല്‍ സംബന്ധിക്കും.