കട്ടപ്പന: 14-ാമത് സംസ്ഥാന മൗണ്ടന്‍ സൈക്ലിങ് ചാംപ്യന്‍ഷിപ്പില്‍ 27 പോയിന്റോടെ ഇടുക്കി ജില്ല ഓവറോള്‍ കരസ്ഥമാക്കി. റണ്ണറപ്പായ തിരുവനന്തപുരം ജില്ലയക്ക് 24 പോയിന്റുണ്ട്.
ചേറ്റുകുഴിയിലെ ഓഫ് റോഡുകളില്‍ നടത്തിയ ചാംപ്യന്‍ഷിപ്പ് മന്ത്രി എം .എം. മണിയാണ് ഉദ്ഘാടനം ചെയ്തത്. സമാപന സമ്മേളനം ഇ. എസ് .ബിജിമോള്‍ എംഎല്‍എ ഉദ്ഘാടനം ചെയ്തു. വണ്ടന്‍മേട് ഗ്രാമപഞ്ചായത്ത് പ്രസിഡന്റ് ജാന്‍സി റെജി, മെമ്പര്‍മാരായ രാജി സന്തോഷ് കുമാര്‍, സുരേഷ് മാനങ്കേരില്‍, കെ ജി ജോണ്‍, സംസ്ഥാന സൈക്ലിംഗ് അസോസിയേഷന്‍ സെക്രട്ടറി സുധീഷ് കൂമാര്‍ , ഫാ. ആര്‍ പി ബാബു, ഔസേപ്പച്ചന്‍ ചേറ്റുകുഴി, കെ പി രഘുനാഥ് എന്നിവര്‍ വിജയികള്‍ക്ക് മെഡലുകള്‍ സമ്മാനിച്ചു. കേരളാ സൈക്ലിങ് അസോസിയേഷന്‍ വൈസ് പ്രസിഡന്റ് എന്‍ രവീന്ദ്രന്‍ സ്വാഗതവും ജില്ലാ സൈക്ലിങ് അസോസിയഷന്‍ സെക്രട്ടറി എ പി മുഹമ്മദ് ബഷീര്‍ നന്ദിയും പറഞ്ഞു.
മത്സര വിജയികള്‍ (ഒന്നും രണ്ടും സ്ഥാനങ്ങള്‍ ക്രമത്തില്‍)
14 വയസില്‍ താഴെ ആണ്‍കുട്ടികള്‍: ഷിന്റോ ഷാജി, പ്രണയ് എസ് നായര്‍ (ഇടുക്കി). 14 വയസില്‍ താഴെ പെണ്‍കുട്ടികള്‍ : അക്‌സ ആന്‍ തോമസ്, ഐശ്വര്യ സിബി (ഇടുക്കി). 16 വയസില്‍ താഴെ ആണ്‍കുട്ടികള്‍: ഫ്രാങ്ക് നെല്‍സണ്‍, വി ആര്‍ ആദര്‍ശ് (തിരുവനന്തപുരം). 16 വയസില്‍ താഴെ പെണ്‍കുട്ടികള്‍: എ പി സായിശ്രീ (കോഴിക്കോട്), ആര്യ വിനോദ് (കോട്ടയം). 18 വയസില്‍ താഴെ ആണ്‍കുട്ടികള്‍: എ അനന്തു, ആഷിഫ് എന്‍ (തിരുവനന്തപുരം). 18 വയസില്‍ താഴെ പെണ്‍കുട്ടികള്‍: ബ്രി കെ പ്രീതി, ആതിര സന്തോഷ് (ഇടുക്കി). സീനിയര്‍ ആണ്‍കുട്ടികള്‍: വിഷ്ണു മനോജ് (ഇടുക്കി), സുബിന്‍ ബാബു (തിരുവനന്തപുരം). സീനിയര്‍ പെണ്‍കുട്ടികള്‍ : ലിഡിയ മോള്‍ എം സണ്ണി (കോട്ടയം), ഗീതു രാജ് (തിരുവനന്തപുരം).