കോഴിക്കോട്: വികസന പദ്ധതികളിലും പാര്‍ശ്വവല്‍ക്കരിക്കപ്പെട്ടവര്‍ക്കു വേണ്ടിയുള്ള പദ്ധതികളിലും കോളജ് വിദ്യാര്‍ഥികളുടെ പങ്കാളിത്തം ഉറപ്പുവരുത്തുന്നതിന് ജില്ലാ ഭരണകൂടം ആവിഷ്‌കരിച്ച 'കോഴിക്കോടന്‍ കാംപസ് 'പദ്ധതിക്ക് തുടക്കമായി. ദേവഗിരി കോളജില്‍ നടന്ന ചടങ്ങില്‍ മജീഷ്യന്‍ ഗോപിനാഥ് മുതുകാട് മുഖ്യാതിഥിയായിരുന്നു. ജില്ലാ കലക്ടര്‍ യു.വി ജോസ് പദ്ധതി വിശദീകരണം നിര്‍വഹിച്ചു.
ഇറാം മോട്ടോഴ്‌സാണ് പദ്ധതിയുടെ നടത്തിപ്പിനായി സഹകരിക്കുന്നത്. 71 കോളജുകള്‍ പദ്ധതിയില്‍ പങ്കാളികളാകുന്നുണ്ട്.