വടകര: വ്യാപാരിയെ വെട്ടിപരുക്കേല്‍പ്പിച്ചതില്‍ പ്രതിഷേധിച്ച് തിരുവള്ളൂരില്‍ ഉച്ചവരെ ഹര്‍ത്താല്‍.
ചൊവ്വാഴ്ച രാത്രിയുണ്ടായ അക്രമത്തില്‍ ടി.സി വെജിറ്റബിള്‍സ് ഉടമ കാഞ്ഞിരോളി ജിത്തുവിനാണ് (28) പരുക്കേറ്റത്. ഇദ്ദേഹത്തെ വടകര സഹകരണാശുപത്രിയില്‍ പ്രവേശിപ്പിച്ചു. കട അടച്ചുപോകുമ്പോഴാണ് അക്രമം.
ജോലിക്കാരനെ ഗുഡ്‌സ് ഓട്ടോയില്‍ വീട്ടിലാക്കി മടങ്ങുമ്പോള്‍ ഒരു സംഘമാളുകള്‍ വാഹനം തടഞ്ഞ് ആക്രമിക്കുകയായിരുന്നു. കാലിനും കൈക്കും പരുക്കുണ്ട്. സ്ഥലത്ത് വടകര പൊലിസ് കാവലേര്‍പ്പെടുത്തി.
സംഭവത്തില്‍ പ്രതിഷേധിച്ച് ഇന്നലെ 12 വരെ വ്യാപാരികള്‍ കടകളടച്ച് ഹര്‍ത്താലാചരിച്ചു.