മലപ്പുറം: സഫ ജ്വല്ലറി ഗ്രൂപ്പിന്റെ പുതിയ സംരംഭമായ 'ക്ലാരസ് ' വെഡ്ഡിങ് ആന്‍ഡ് ഡിസൈനര്‍ ജ്വല്ലറി 20നു ഗായകന്‍ കെ.ജെ യേശുദാസ് ഉദ്ഘാടനം ചെയ്യും. പെരിന്തല്‍മണ്ണയില്‍ കോഴിക്കോട് റോഡിലെ അയിഷ കോംപ്ലക്‌സിലാണ് സ്ഥാപനം. രാവിലെ 10നു നടക്കുന്ന പരിപാടിയില്‍ മഞ്ഞളാംകുഴി അലി എം.എല്‍.എ അധ്യക്ഷനാകും. ഡയമണ്ട് വിഭാഗം പി.വി അബ്ദുല്‍ വഹാബ് എം.പിയും വെഡ്ഡിങ് വിഭാഗം മുന്‍ മന്ത്രി ആര്യാടന്‍ മുഹമ്മദും ഉദ്ഘാടനം ചെയ്യും. എം.എല്‍.എമാരായ പി. അബ്ദുല്‍ ഹമീദ്, വി.കെ.സി മമ്മദ് കോയ, എ.പി അനില്‍കുമാര്‍ പങ്കെടുക്കും. മുഈനലി ശിഹാബ് തങ്ങള്‍ ആദ്യ വില്‍പന നടത്തും. വാര്‍ത്താസമ്മേളനത്തില്‍ സഫാ ഗ്രൂപ്പ് മാനേജിങ് ഡയറക്ടര്‍ കെ.ടി.എം.എ സലാം, ഡയറക്ടര്‍ കെ.ടി അബ്ദുല്‍ കരീം, ജനറല്‍ മാനേജര്‍ ഇംതിയാസ് അഹ്മദ്, പി.ആര്‍ മാനേജര്‍ മുഹമ്മദ് ഹസ്സന്‍ പങ്കെടുത്തു.