വള്ളിക്കുന്ന്: വള്ളിക്കുന്ന് അത്താണിക്കല്‍ മാവേലി സ്റ്റോറില്‍ നിന്നും അര്‍ഹതപ്പെട്ടവര്‍ക്ക് അരി ലഭിക്കുന്നില്ലെന്ന് പരാതി. അരി എത്തിയ വിവരമറിഞ്ഞ് ആളുകള്‍ എത്തുമ്പോള്‍ അരി തീര്‍ന്നു പോയി എന്ന മറുപടിയാണ് അധികൃതരില്‍ നിന്നും കേള്‍ക്കാന്‍ കഴിയുന്നത്. ഇവിടെ ചിലര്‍ ഒരേ ദിവസം പല സമയങ്ങളിലായി അനവധി കാര്‍ഡുകളുമായി വന്ന് അരി വാങ്ങി കൊണ്ട് പോകുന്നു എന്നാണ് ജീവനക്കാര്‍ പറയുന്നത്. ഈ രീതിക്ക് തടയിടണമെന്നും വിലകയറ്റത്തിന്റെ ഈ നാളുകളില്‍ അരി പരമാവധി ആളുകള്‍ക്ക് ലഭിക്കുന്നുണ്ടന്ന് ഉറപ്പ് വരുത്താനും അധികൃതര്‍ തയാറാകണമെന്ന് നാട്ടുകാര്‍ പറയുന്നു.