കരൂപ്പടന്ന: വലിയുല്ലാഹി അന്ത്രുപ്പാപ്പയുടെ 18ാത് ആണ്ടുനേര്‍ച്ചയോടനുബന്ധിച്ച് കരൂപ്പടന്ന ശാഖ എസ്.കെ.എസ്.എസ് .എഫിന്റെ ആഭിമുഖ്യത്തില്‍ കഴിഞ്ഞ നാലിന് തുടക്കം കുറിച്ച വിവിധ പരിപാടികള്‍ക്ക് ഇന്ന് സമാപനം കുറിക്കും.
ഇന്നലെ രാവിലെ ഒന്‍പതിന് നടന്ന മൗലിദ് സദസ്സിന് കെ.പി സൈനുദ്ദീന്‍ ഫൈസി, സി.പി മുഹമ്മദ് ഫൈസി, ശൗഖത്തലി ഫൈസി, അബ്ദുസ്സമദ് ദാരിമി, ഷാറഫുദ്ധീന്‍ ഫൈസി, സൈതലവി മുസ്‌ലിയാര്‍, നൗഫല്‍ ഫൈസി, കെ.എ മുഹമ്മദ് ഫൈസി, ഹാഫിള് ഹംസ മുസ്‌ലിയാര്‍, അബ്ദുസ്സമദ് മുസ്‌ലിയാര്‍, ബാവ മുസ്‌ലിയാര്‍ നേതൃത്വം നല്‍കി. 10 മണിമുതല്‍ നടന്ന അന്നദാനം വെള്ളാങ്ങല്ലുര്‍ മഹല്ല് ഖത്വീബ് സൈനുദ്ദീന്‍ ഫൈസി സി.ഐ ശംസുദ്ധീന്‍ ഹാജിക്ക് നല്‍കി ഉദ്ഘാടനം ചെയ്തു.
വൈകിട്ട് ഏഴിന് നടന്ന ഖുര്‍ആന്‍ പ്രഭാഷണ വേദിയില്‍ വെള്ളാങ്ങല്ലുര്‍ റെയിഞ്ച് പ്രസിഡന്റ് സി.പി മുഹമ്മദ് ഫൈസിയുടെ അധ്യക്ഷതയില്‍ സൈതലവി ദാരിമി ഉദ്ഘാടനവും റഹ്മത്തുല്ലാഹ് ഖാസിമി മൂത്തേടം മുഖ്യപ്രഭാഷണവും നിര്‍വഹിച്ചു. പി.എം അബ്ദുല്‍ ഗഫൂര്‍ ഹാജി അവാര്‍ഡ് ദാനം നടത്തി.
വാണിയംകുളം എം.എം.ഐ.സി മാനേജര്‍ മമ്മി ഹാജി മുഖ്യാതിഥിയായിരുന്നു. ഇന്ന് വൈകിട്ട് ഏഴിനാണ് സമാപന ദുആ സമ്മേളനം. സ്വാഗത സംഘം മുഖ്യ രക്ഷാധികാരി കെ.പി സൈനുദ്ദീന്‍ ഫൈസിയുടെ അധ്യക്ഷതയില്‍ സി. കെ അബൂബക്കര്‍ ഫൈസി ചെങ്ങമനാട് ഉദ്ഘാടനം ചെയ്യും. പടച്ച റബ്ബിന്റെ കോടതിയില്‍ എന്ന വിഷയത്തില്‍ അബൂ റബീഅ ബാഖവി മുഖ്യ പ്രഭാഷണം നിര്‍വഹിക്കും. എസ്.കെ.എസ്.എസ്.എഫ് സൈബര്‍ വിങ് ജില്ലാ ചെയര്‍മാന്‍ അമീന്‍ കൊരട്ടിക്കര മുഖ്യാതിഥിയായി പങ്കെടുക്കും. വെള്ളാങ്ങല്ലുര്‍ മഹല്ല് ചെയര്‍മാന്‍ കെ.എ മുഹമ്മദ് ഹാജി റിലീഫ് വിതരണം നടത്തും. സമാപന ദിക്‌റ് ദുആക്ക് കോഴിക്കോട് ഖാസി മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.