തിരുവനന്തപുരം: ബാലാവകാശ കമ്മിഷന്‍ അംഗത്തിന്റെ നിയമനവുമായി ബന്ധപ്പെട്ട് ഹൈക്കോടതിയുടെ വിമര്‍ശനം കേള്‍ക്കേണ്ടി വന്ന ആരോഗ്യ മന്ത്രി കെ.കെ ശൈലജ രാജിവയ്ക്കണമെന്ന് പ്രതിപക്ഷ നേതാവ് രമേശ് ചെന്നിത്തലയും മുസ്‌ലിം ലീഗും ആവശ്യപ്പെട്ടു.

കോടതിയില്‍ നിന്ന് ഇങ്ങനെ പരമാര്‍ശം കേള്‍ക്കേണ്ടി വന്ന മന്ത്രി അധികാരത്തില്‍ തുടര്‍ന്ന ചരിത്രം മുമ്പുണ്ടായിട്ടില്ലെന്ന് ചെന്നിത്തല പറഞ്ഞു. മന്ത്രിയുടെ രാജിയാവശ്യം നിയമസഭയില്‍ ഉന്നയിക്കുമെന്നും മുന്‍ കാലങ്ങളില്‍ കോടതികള്‍ രൂക്ഷമായി വിര്‍ശിച്ച മന്ത്രിമാര്‍ രാജിവച്ചിരുന്നുവെന്നും മുസ്‌ലിം ലീഗ് നിയമസഭ കക്ഷി നേതാവ് എം.കെ മുനീര്‍ എം.എല്‍.എയും പറഞ്ഞു.