താനൂര്‍: ഡല്‍ഹി ജവഹര്‍ലാല്‍ നെഹ്‌റു യൂനിവേഴ്‌സിറ്റിയില്‍ നിന്ന് ഡോക്ടറേറ്റ് നേടി നാട്ടില്‍ തിരിച്ചെത്തിയ ഡോ.സൈതലവി ഹുദവിക്കു ജന്മനാടിന്റെ ആദരം. എസ്.കെ.എസ്.എസ്.എഫിന്റെയും, എസ്.വൈ.എസിന്റെയും നേതൃത്വത്തില്‍ ഒരുക്കിയ സ്വീകരണ സമ്മേളനം സെയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഉദ്ഘാടനം ചെയ്തു.
സെയ്യിദ് അഷ്‌റഫ് തങ്ങള്‍ അധ്യക്ഷനായി. എസ്.കെ.എസ്.എസ്.എഫ് ജില്ലാ പ്രസിഡന്റ് സെയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി മുഖ്യപ്രഭാഷണം നടത്തി. വിവിധ സംഘടനകളുടെ നേതൃത്ത്വത്തില്‍ ഉപഹാര സമര്‍പ്പണവും നടന്നു.
ജിദ്ദ കെ.എം.സി.സി ഒരുക്കിയ ഉപഹാരം കോഴിക്കോട് ഖാസി സെയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഡോ. സൈതലവി ഹുദവിക്കു കൈമാറി. മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, നന്നമ്പ്ര പഞ്ചായത്ത് പ്രസിഡന്റ് എം.പി മുഹമ്മദ് ഹസന്‍, സൈതാലികുട്ടി ഫൈസി കോറാട്, നൗഷാദ് ചെട്ടിപ്പടി, ഇബ്‌നു മൗലവി, മുസ്തഫ പനയത്തില്‍ അനില്‍കുമാര്‍, ബാലന്‍, ആബിദ്, സുകുമാരന്‍ മാസ്റ്റര്‍, കമ്മുഹാജി പനയത്തില്‍ അസ്‌ലം സി.കെ തുടങ്ങിയവര്‍ പങ്കെടുത്തു.