കയ്പമംഗലം : കയ്പമംഗലം നിയോജക മണ്ഡലം യൂത്ത് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ രാജീവ് ഗാന്ധിയുടെ ജന്മദിനാഘോഷം പെരിഞ്ഞനത്തെ ഷാലോണ്‍ അഗതിമന്ദിരത്തിലെ കുട്ടികള്‍ക്കൊപ്പം സദ്ഭാവനാ ദിനമായി ആചരിച്ചു. യൂത്ത് കോണ്‍ഗ്രസ് നിയോജക മണ്ഡലം പ്രസിഡണ്ട് ടി.കെ നസീര്‍ അധ്യക്ഷനായി. ഡി.സി.സി ജനറല്‍ സെക്രട്ടറി സി.എസ് രവീന്ദ്രന്‍, ഡി.സി.സി ജനറല്‍ സെക്രട്ടറി സി.സി ബാബുരാജ് , കെ.എസ്.യു ജില്ലാ ജനറല്‍ സെക്രട്ടറി ജിനേഷ്, വാണി പ്രയാഗ്, സലീം കയ്പമംഗലം, കണ്ണന്‍ നായര്‍, അനില്‍ പെരിഞ്ഞനം, ആസിഫ് സംസാരിച്ചു. വിവിധ മണ്ഡലം കമ്മിറ്റികളുടെ ആഭിമുഖ്യത്തില്‍ രാജീവ് ഗാന്ധി ഓര്‍മ്മ മരം നേടുകയും വൃക്ഷതൈ വിതരണം നടത്തുകയും ചെയ്തു.
മാള: ആധുനിക ഇന്ത്യയുടെ ശില്പിയായ മുന്‍ പ്രധാനമന്ത്രിയും അഖിലേന്ത്യാ കോണ്‍ഗ്രസ്സ് കമ്മിറ്റിയുടെ പ്രസിഡണ്ടുമായിരുന്ന രാജീവ് ഗാന്ധിയുടെ ജന്മദിനം മാള ഇന്ദിരാഭവനില്‍ ബ്ലോക്ക് കോണ്‍ഗ്രസ്സ് പ്രസിഡണ്ട് പി.ഡി ജോസിന്റെ അധ്യക്ഷതയില്‍ നടത്തി. കെ.പി.സി.സി സെക്രട്ടറി ടി.യു രാധാകൃഷ്ണന്‍ അനുസ്മരണം ഉദ്ഘാടനം ചെയ്തു. എ.എ അഷറഫ്, എ.ആര്‍ രാധാകൃഷ്ണന്‍ , എം.ജനാര്‍ദ്ദനന്‍, കെ.എം പുരുഷോത്തമന്‍ , കെ.എം ബാവ , മുനീര്‍ സംസാരിച്ചു.