വീട്ടില്‍ ആരുമില്ലാത്ത സമയത്ത് പലതവണ പെണ്‍കുട്ടിയുടെ വീട്ടില്‍ വച്ചും ഇയാള്‍ പീഡിപ്പിച്ചിരുന്നുവെന്ന് പെണ്‍കുട്ടി പൊലിസില്‍ നല്‍കിയ പരാതിയില്‍ പറയുന്നു
ഗുരുവായൂര്‍: വിവാഹവാഗ്ദാനം നല്‍കി പ്രായപൂര്‍ത്തിയാകാത്ത പത്താംക്ലാസ് വിദ്യാര്‍ഥിനിയെ പീഡിപ്പിച്ച യുവാവിനെ ഗുരുവായൂര്‍ ടെമ്പിള്‍ പൊലിസ് അറസ്റ്റുചെയ്തു. തിരുവില്വാമല അകണിയര്‍കോട് കീര്‍ത്തി വീട്ടില്‍ രാമദാസിനേ(25)യാണ് ഗുരുവായൂര്‍ ടെമ്പിള്‍ പൊലിസ് സര്‍ക്കിള്‍ ഇന്‍സ്‌പെക്ടര്‍ യു.എച്ച്. സുനില്‍ദാസും, സംഘവും ഗുരുവായൂരില്‍വെച്ച് അറസ്റ്റുചെയ്തത്. ഇക്കഴിഞ്ഞ ജനുവരിമാസം ആദ്യത്തില്‍ ഗുരുവായൂരിലെ ഒരു ഫ്‌ളാറ്റില്‍വെച്ചും, വീട്ടില്‍ ആരുമില്ലാത്ത സമയത്ത് പലതവണ പെണ്‍കുട്ടിയുടെ വീട്ടില്‍ വെച്ചും ഇയാള്‍ പീഡിപ്പിച്ചിരുന്നുവെന്ന് പെണ്‍കുട്ടി പൊലിസില്‍ നല്‍കിയ പരാതിയില്‍ പറയുന്നു. കഴിഞ്ഞ മൂന്നുവര്‍ഷമായി ഇരുവരും പ്രണയത്തിലായിരുന്നു. തൃശൂരിലെ ഒരു പ്രമുഖ സ്വര്‍ണാഭര ണകടയിലെ ജീവനക്കാരനായ പ്രതി, കടയിലെത്തിയ പെണ്‍കുട്ടിയുമായി അടുപ്പത്തിലാകുകയായിരുന്നു. എന്നാല്‍ അടുത്തിടെ പ്രതി പ്രണയത്തില്‍നിന്നും പിന്‍മാറിയതോടെയാണ് പെണ്‍കുട്ടി പൊലിസില്‍ പരാതിയുമായെത്തിയത്. പോക്‌സോ നിയമപ്രകാരം കേസെടുത്ത് പ്രതിയെ ചാവക്കാട് ഫസ്റ്റ്ക്ലാസ്സ് മജിസ്‌റ്റ്രേറ്റ് കോടതിയില്‍ ഹാജരാക്കി.