ചക്കരക്കല്‍: വട്ടപ്പൊയില്‍ -കൊല്ലന്‍ചിറ റോഡിന്റെ തകര്‍ച്ചയില്‍ പ്രതിഷേധിച്ച് 17ന് ഓട്ടോറിക്ഷകള്‍ പണിമുടക്കും. മൂന്ന് കിലോമീറ്ററോളം വരുന്ന റോഡ് മുഴുവനായും തകര്‍ന്നിട്ടുണ്ട്. പൊട്ടിപ്പൊളിഞ്ഞ് കുഴികളില്‍ വെള്ളം നിറഞ്ഞതു കാരണം കാല്‍നട യാത്രക്കാരും ബുദ്ധിമുട്ടിലാണ്. ഗ്രാമപ്രദേശത്തുള്ളവര്‍ക്ക് വട്ടപ്പൊയില്‍ ടൗണില്‍ എത്താനുള്ള റോഡാണിത്. റോഡ് അറ്റകുറ്റപ്പണി നടത്താന്‍ മഴക്കാലത്തിനു മുന്‍പെ പരാതികള്‍ നല്‍കിയിട്ടും യാതൊരു പരിണനയും ലഭിച്ചില്ലെന്ന് നാട്ടുകാര്‍ പറഞ്ഞു. കണ്ണൂര്‍ കോര്‍പറേഷന്‍, ചേലോറ പഞ്ചായത്ത് പരിധിയിലൂടെയാണ് റോഡ് കടന്നുപോവുന്നത്.