മഞ്ചേരി: വിഷം നിറഞ്ഞ പച്ചക്കറികള്‍ക്കെതിരെ  മഞ്ചേരി എച്ച്.എം.എസ് ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് വിദ്യാര്‍ഥികള്‍ പദയാത്ര നടത്തി.
സ്‌കൂളില്‍ നട്ടുവളര്‍ത്തിയ ജൈവ പച്ചക്കറി കൃഷിയില്‍ നിന്നും വിളവെടുത്ത വിവിധ ഇനം പച്ചക്കറികളുമായിട്ടായിരുന്നു  യാത്ര.
മഞ്ചേരിയെ വിഷരഹിത പച്ചക്കറി നഗരസഭയാക്കാനുള്ള നിവേദനം ചെയര്‍പേഴ്‌സണ് നല്‍കി. ചെയര്‍പേഴ്‌സണ്‍ വി.എം സുബൈദ പദയാത്ര ഫ്‌ളാഗ് ഓഫ് ചെയ്തു.  എന്‍.എസ്.എസ് പ്രോഗ്രാം ഓഫീസര്‍  ദില്‍ഷാദ് ബാബു, പ്രിന്‍സിപ്പാല്‍ കെ.എം അബ്ദുസമദ്, പി.ടി.എ പ്രസിഡന്റ് ആദംതാനാരി, പി.എം.എ മാന്‍മാന്‍, മുഹമ്മദ്ഷാഫി,  കൃഷ്ണദാസ് തുടങ്ങിയവര്‍ പങ്കെടുത്തു.