പടിഞ്ഞാറങ്ങാടി: കുമരനെല്ലൂര്‍ ഹൈസ്‌കൂളില്‍ ഓണനാളിലെ സുപ്രഭാതത്തില്‍ വര്‍ഷങ്ങളായി നടക്കാറുള്ള വിവാഹിതരും, അവിവാഹിതരും തമ്മിലുള്ള ഫുട്‌ബോള്‍ മത്സരം കാണികള്‍ക്ക് ആവേശം വിതറി. കാല്‍പന്തുകളുടെ വിസ്മയം തീര്‍ത്ത കുമരനെല്ലൂര്‍ ഗ്രൗണ്ടില്‍ ഈ മത്സരം അത്ഭുത പ്രകടനങ്ങളും, വാശിയും, വെല്ലുവിളിയും നിറഞ്ഞ പോരാട്ടത്തില്‍ സമനിലയില്‍ പിരിഞ്ഞു. പെനാല്‍റ്റി ഷുട്ടൗട്ടിലൂടെ നിലവിലെ കുത്തക ടീമായ അവിവാഹിതരെ പരാജയപ്പെടുത്തി വിവാഹിതര്‍ ട്രോഫി നേടി. വിജയിച്ച വിവാഹിതര്‍ക്കുള്ള ട്രോഫി ഗ്രാമപഞ്ചായത്ത് അംഗം കെ. അമീന്‍ മാസ്റ്റര്‍ കൈമാറി.