പള്ളിക്കല്‍: ദേശീയപാതയില്‍ സീബ്രാലൈനിലൂടെ യാത്രക്കാര്‍ റോഡ് മുറിച്ചുകടക്കുന്നതു വകവയ്ക്കാതെ വാഹനങ്ങള്‍ കടന്നുപോകുന്നതു പതിവു കാഴ്ചയാകുന്നു. സ്‌കൂള്‍ വിദ്യാര്‍ഥികളും വൃദ്ധരുമാണ് ഇതുമൂലം ഏറെ പ്രയാസപ്പെടുന്നത്. തിരക്കേറിയ റോഡുകളില്‍ യാത്രക്കാര്‍ക്കു റോഡ് മുറിച്ചുകടക്കാന്‍ സഹായിക്കുന്ന ഹോം ഗാര്‍ഡുകളെപ്പോലും ധിക്കരിച്ചു കടന്നുപോകുന്ന വാഹനങ്ങളും ഏറെയാണ്.
സീബ്രാലൈനുകളുള്ള സ്ഥലങ്ങളില്‍ പ്രത്യേക നിരീക്ഷണം നടത്തി കുറ്റക്കാര്‍ക്കെതിരേ കര്‍ശന നടപടിയെടുക്കാന്‍ പൊലിസ് തയാറാകണമെന്നാണ് നാട്ടുകാരുടെ ആവശ്യം.