കോഴിക്കോട്: റിലയന്‍സ് യൂത്ത് ഫുട്‌ബോള്‍ ടൂര്‍ണമെന്റിന്റെ കോഴിക്കോട് മേഖലാ മത്സരങ്ങള്‍ക്ക് ഇന്നു ദേവഗിരി സെന്റ് ജോസഫ് കോളജില്‍ തുടക്കം. വൈകിട്ട് മൂന്നിന് പി.കെ.സി.ഐ.സി.എസ് ആര്‍ട്‌സ് ആന്‍ഡ് സയന്‍സ് കോളജും ജെ.ഡി.ടി ഇസ്‌ലാം കോളജും തമ്മിലാണ് ഉദ്ഘാടന മത്സരം. രാജ്യത്തെ 17 നഗരങ്ങളിലായി നടക്കുന്ന യൂത്ത് ഫുട്‌ബോള്‍ ടൂര്‍ണമെന്റിന്റെ വേദികളിലൊന്നാണ് കോഴിക്കോട്. കൊച്ചി മേഖലാ മത്സരങ്ങള്‍ കഴിഞ്ഞ മാസം ആരംഭിച്ചിരുന്നു. ഫുട്‌ബോള്‍ ടൂര്‍ണമെന്റില്‍ 17 നഗരങ്ങളില്‍ നിന്നുള്ള 3400 സ്‌കൂള്‍, കോളജ് ടീമുകളാണ് പങ്കെടുക്കുന്നത്.