കരിന്തളം: ജസ്റ്റിസ് കെ.എ നായരുടെ നിര്യാണത്തിലൂടെ നഷ്ടമായതു മലയോരത്തു നിയമ പഠനം നേടിയ ആദ്യ അഭിഭാഷകനെ. കര്‍ഷക കുടുംബാംഗമായ കരിന്തളം കരിമ്പില്‍ തറവാടില്‍ നിന്നാണു അപ്പൂട്ടി നായരെന്ന കെ.എ നായര്‍ അഭിഭാഷകനായത്. കരിമ്പില്‍ ചെറിയമ്മ-കരിന്തളം കോമന്‍ ഗുരുക്കള്‍ ദമ്പതികളുടെ ഇളയമകനായ ഇദ്ദേഹം രാജാസ് ഹൈസ്‌കൂളില്‍ നിന്നു പ്രാഥമിക വിദ്യാഭ്യാസവും മംഗളൂരു അലോഷ്യസ് കോളജില്‍ നിന്നു ബിരുദവും നേടി. തുടര്‍ന്ന് ഇംഗ്ലണ്ടില്‍ നിന്നുമാണു നിയമബിരുദം നേടിയത്.
മലയോര മേഖലയായ മാലോം നാട്ടക്കല്‍ എ.എല്‍.പി സ്‌കൂള്‍ സ്ഥാപിക്കുന്നതില്‍ മുഖ്യപങ്കുവഹിച്ചു. ഏറെക്കാലം വക്കീല്‍ ജോലി ചെയ്ത അദ്ദേഹം പിന്നീട് ഹൈക്കോടതി ജഡ്ജിയായി.