ന്യൂഡല്‍ഹി: തമിഴ്‌നാട് മുന്‍മുഖ്യമന്ത്രി എം.ജി.ആറിന്റെ സ്മരണക്കായി കേന്ദ്ര സര്‍ക്കാര്‍ പുതിയ നാണയങ്ങള്‍ ഇറക്കുന്നു. എം.ജി.ആറിന്റെ ചിത്രം ആലേഖനം ചെയ്ത 100 രൂപ, അഞ്ചു രൂപ നാണയങ്ങളാണ് പുറത്തിറക്കാന്‍ കേന്ദ്ര സര്‍ക്കാര്‍ തീരുമാനിച്ചത്.
എം.ജി.ആറിന്റെ ചിത്രത്തിനു താഴെ എം.ജി രാമചന്ദ്രന്‍ ജന്മശതാബ്ധിയെന്നും രേഖപ്പെടുത്തും. ഇത് ദേവനാഗിരി ഭാഷയിലും നാണയത്തില്‍ സൂചിപ്പിക്കും. ഈ മാസം 11ന് പുറത്തിറങ്ങിയ ഗസറ്റില്‍ ഇതുസംബന്ധിച്ച് വിജ്ഞാപനം ചെയ്തിട്ടുണ്ട്. 4.4 സെന്റി മീറ്റര്‍ വ്യാസവും 35 ഗ്രാം തൂക്കവും വരുന്നതാണ് 100 രൂപ നാണയം.
ഒരുവശത്ത് എം.ജി.ആറിന്റെ മുഖച്ചിത്രവും മറുവശത്ത് അശോക സ്തംഭവും ആലേഖനം ചെയ്താണ് നാണയം പുറത്തിറക്കുക.