കൊട്ടിയം: നടുറോഡില്‍ ബഹളം നടക്കുന്നതറിഞ്ഞെത്തിയ കണ്ണനല്ലൂര്‍ പൊലിസ് ഔട്ട് പോസ്റ്റിലെ എസ്. ഐയേയും സംഘത്തേയും ആക്രമിക്കാന്‍ ശ്രമിക്കുകയും പൊലിസ് ജീപ്പിന് നേരേ കല്ലെറിയുകയും ചെയ്ത സംഘത്തില്‍പ്പെട്ട ഒരാളെ കൊട്ടിയം പൊലിസ് അറസ്റ്റ് ചെയ്തു.
രണ്ടു പേര്‍ക്കായി പൊലിസ് തിരച്ചില്‍ ആരംഭിച്ചിട്ടുണ്ട്. പെരിനാട് ഇടവട്ടം സ്റ്റാര്‍ച്ച് ജങ്ഷന് സമീപം തെറ്റിവിള വീട്ടില്‍ സിലജാ(19)ണ്പിടിയിലായത്. ഇക്കഴിഞ്ഞ 11 ന് വൈകിട്ട് ആറരയോടെ തഴുത്തലയിലായിരുന്നു സംഭവം.
ബഹളം നടക്കുന്നതറിഞ്ഞ് ജീപ്പിലെത്തിയ കണ്ണനല്ലൂര്‍ പൊലിസ് ഔട്ട് പോസ്റ്റിലെ എസ്.ഐ ശശാങ്കന്‍ ആചാരി, െ്രെഡവര്‍ ഷെരീഫ് എന്നിവര്‍ക്കു നേരേ ആക്രമണം നടത്താന്‍ ശ്രമിച്ച ശേഷം പൊലിസ് ജീപ്പിന് നേരെ സംഘം കല്ലെറിഞ്ഞ ശേഷം രക്ഷപെടുകയായിരുന്നു. ജൂനിയര്‍ എസ്.ഐ ട്വിങ്കിള്‍ ശശിയുടെ നേത്രത്വത്തിലുള്ള പൊലിസ് സംഘമാണ് പ്രതിയെ പിടികൂടിയത്.