ഈരാററുപേട്ട: സംസ്ഥാന ജൂണിയര്‍ അത്‌ലറ്റിക്‌സ് മീറ്റില്‍ പെണ്‍കുട്ടികളുടെ 100 മീറ്റര്‍ ഹര്‍ഡില്‍സില്‍ സ്‌പോട്‌സ് കൗണ്‍സിലിന്റെ കീഴില്‍ പ്രവര്‍ത്തിക്കുന്ന ഭരണങ്ങാനം എസ്.എച്ച്.ജി.എച്ച്.എസിലെ സ്‌പോട്‌സ് ഹോസ്റ്റലിന് പൂര്‍ണ്ണ ആധിപത്യം. ഏഴ് സ്വര്‍ണ്ണവും സ്വര്‍ണ്ണവും ഒരു വെള്ളിയും മൂന്ന് വെങ്കലവും കരസ്ഥണാക്കി സ്‌കൂള്‍ മികച്ച പ്രകടനവും കാഴ്ചവച്ചു.
20 വയസില്‍ താഴെയുള്ളവരുടെ വിഭാഗത്തില്‍ 100 മീറ്റര്‍ ഹര്‍ഡില്‍സില്‍ റോണാ സെബാസ്റ്റ്യന്‍, 18 വയസില്‍ താഴെയുള്ളവരുടെ വിഭാഗത്തില്‍ അഞ്ജലി തോമസ്, 16 വയസില്‍ താഴെയുള്ളവരുടെ വിഭാഗത്തില്‍ ആന്‍ റോസ് ടോമി എന്നിവര്‍ ഒന്നാം സ്ഥാനം കരസ്ഥമാക്കി. ഇതേ ഇനത്തില്‍ 16 വയസില്‍ താഴെയുള്ളവരുടെ വിഭാഗത്തില്‍ അന്ന തോമസ് മാത്യു വെള്ളിയും കരസ്ഥമാക്കി. മിഡ്!ലെ റിലെയില്‍ അന്നാ തോമസ് മാത്യു, ജൂലി ജോണ്‍സണ്‍ എന്നിവരടങ്ങുന്ന ടീം സ്വര്‍ണ്ണം കരസ്ഥമാക്കി. 14 വയസില്‍ താഴെയുള്ളവരുടെ ലോംഗ്ജംപില്‍ ഡാലിയ പി. ലാലും ഹൈജംമ്പില്‍ ലിയാനാ എലിസബത്ത് ജോസഫും സ്വര്‍ണ്ണം നേടി. ഇതേ വിഭാഗത്തില്‍ ഷോട്ട്പുട്ടില്‍ മിലു ആന്‍ മാത്യുവും 600 മീറ്ററില്‍ ജൂബി ജേക്കബും വെങ്കലം കരസ്ഥമാക്കി.16 വയസില്‍ താഴെയുള്ളവരുടെ 100 മീറ്ററില്‍ ആന്‍ റോസ് ടോമി വെങ്കലം കരസ്ഥമാക്കി. സ്‌പോട്‌സ് കൗണ്‍സില്‍ കോച്ച് ജൂലിയസ് ജെ മനയാനിയുടെ പരിശീലനത്തിലാണ് സ്‌കൂള്‍ നേട്ടങ്ങള്‍ കൊയ്യുന്നത്.