പാലക്കാട്: അനധികൃതമായി ജോലിക്ക് എത്താതിരിക്കുന്ന കല്ലടത്തൂര്‍ ഗോഖലെ ഗവ.ഹൈസ്‌കൂള്‍ ഗണിതാധ്യാപിക 15 ദിവസത്തിനകം പാലക്കാട് വിദ്യാഭ്യാസ ഉപഡയറക്റ്റര്‍ മുമ്പാകെ നേരിട്ട് ഹാജരായി കാരണം ബോധിപ്പിക്കണമെന്ന് വിദ്യാഭ്യാസ ഉപഡയറക്റ്റര്‍ അറിയിച്ചു. 2013 ജൂണ്‍ 17ന് ശൂന്യവേതനാവധി അവസാനിച്ചിട്ടും ജോലിയില്‍ പ്രവേശിക്കാത്തതിനെ തുടര്‍ന്ന് മേല്‍വിലാസത്തില്‍ അയച്ച കത്ത് തിരിച്ചുവന്ന സാഹചര്യത്തിലാണ് പത്രങ്ങളിലൂടെ അറിയിപ്പ് നല്‍കുന്നത്. ഹാജരാകത്തപക്ഷം വിഷയത്തില്‍ അധ്യാപികയ്ക്ക് ഒന്നും ബോധിപ്പിക്കാനില്ലെന്ന നിഗമനത്തില്‍ തുടര്‍നടപടികള്‍ സ്വീകരിക്കുമെന്നും വിദ്യാഭ്യാസ ഉപഡയറക്റ്റര്‍ അറിയിച്ചു.