മലപ്പുറം: ഇന്‍കെല്‍ എഡ്യൂസിറ്റിയില്‍ പ്രവര്‍ത്തിക്കുന്ന സാഫാ ഗ്രൂപ്പിന്റെ ഇന്‍സ്റ്റിറ്റ്യൂട്ട് ഓഫ് ജെംസ് ആന്‍ഡ് ജ്വല്ലറി കേന്ദ്രമന്ത്രി രാജീവ് പ്രതാപ് റൂഡി ഇന്ന് ഉദ്ഘാടനം ചെയ്യും. രാവിലെ 10നു നടക്കുന്ന പരിപാടിയില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍, എം.പിമാരായ ഇ.അഹമ്മദ്, പി.വി.അബ്ദുല്‍ വഹാബ്, മന്ത്രി കെ.ടി.ജലീല്‍, സ്പീക്കര്‍ പി. ശ്രീരാമകൃഷ്ണന്‍, എംഎല്‍എമാരായ പി.കെ.കുഞ്ഞാലിക്കുട്ടി, പി.ഉബൈദുല്ല, എ.പി.അനില്‍കുമാര്‍, വി.കെ.സി മമ്മദ്‌കോയ, പി.അബ്ദുല്‍ ഹമീദ്, ജില്ലാ കലക്ടര്‍ എസ്.വെങ്കിടേശപതി, വിവിധ  രാഷ്ട്രീയ സാമൂഹിക വാണിജ്യ രംഗത്തെ പ്രമുഖര്‍ പങ്കെടുക്കും.ജെമ്മോളജി, ജ്വല്ലറി ഡിസൈന്‍, മാനുഫാക്ച്ചറിങ് ആന്‍ഡ് മാനേജ്‌മെന്റ് എന്നിവയാണ് നിലവിലുള്ള കോഴ്‌സുകള്‍.
നാഷണല്‍ സ്‌കില്‍ ഡെവലപ്പ്‌മെന്റ് കോര്‍പ്പറേഷന്റെ കീഴിലുള്ള ജെംസ് ആന്‍ഡ് ജ്വല്ലറി സ്‌കില്‍ കൗണ്‍സില്‍ ഓഫ് ഇന്ത്യയുടെ അഫിലിയേഷനോടെയാണു സ്ഥാപനം.  വാര്‍ത്താസമ്മേളനത്തില്‍  ഇന്‍സ്റ്റിറ്റ്യൂട്ട് ഡയറക്ടര്‍ അബ്ദുല്‍ കരീം, അംജാസ് സാഹിര്‍, അനൂപ് ജോര്‍ജ്ജ് പങ്കെടുത്തു.