മലപ്പുറം: വേങ്ങര ഉപതിരഞ്ഞെടുപ്പില്‍ മത്സരിക്കുന്ന ഇടത് സ്ഥാനാര്‍ത്ഥി പി.പി ബഷീര്‍ നാളെ നാമനിര്‍ദ്ദേശ പത്രിക സമര്‍പ്പിക്കും. മുതിര്‍ന്ന പാര്‍ട്ടി നേതാക്കള്‍ക്കൊപ്പം എത്തി രാവിലെ 11നാണ് പത്രിക സമര്‍പ്പണം നടത്തുക.

ഒക്ടോബര്‍ 11ന് നടക്കുന്ന തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കാന്‍ 22ാം തിയതി വരേയാണ് സമയം

മുന്‍ എം.എല്‍.എയും നിലവില്‍ മുസ്‌ലിംലീഗ് മലപ്പുറം ജില്ലാ ജനറല്‍ സെക്രട്ടറിയുമായ അഡ്വ.കെ.എന്‍.എ ഖാദറിനെ യു.ഡി.എഫ് സ്ഥാനാര്‍ഥിയായി മുസ്‌ലിംലീഗ് സംസ്ഥാന ഉന്നതാധികാര സമിതി ഇന്നലെയാണ് പ്രഖ്യാപിച്ചത്. മുഖ്യധാര പാര്‍ട്ടികളില്‍ ബി.ജെ.പി മാത്രമാണ് ഇനി സ്ഥാനാര്‍ഥി പ്രഖ്യാപനം നടത്താനുള്ളത്.

2011ല്‍ ഇടത് സ്ഥാനാര്‍ഥിക്ക് 24,901 വോട്ടുകള്‍ മാത്രമേ ലഭിച്ചിരുന്നുള്ളൂ. ഉപ തെരഞ്ഞെടുപ്പില്‍ ബഷീര്‍ വഴി വേങ്ങര പിടിച്ചെടുക്കാമെന്ന് കണക്ക് കൂട്ടലിലാണ് സി.പി.എം.