ആലപ്പുഴ: സംസ്ഥാന ലൈഫ്ഗ്രൂപ്പ് ഇന്‍ഷുറന്‍സ് പദ്ധതികളിലെ മുന്‍കാല പ്രീമിയം അടച്ചതു സംബന്ധിച്ച വിവരം സോഫ്റ്റ്‌വെയര്‍ ഡാറ്റാബേസില്‍ ഉള്‍പ്പെടുത്തുന്നതിന് ഡി.ഡി.ഒ.മാര്‍ക്ക് പരിശീലനം നല്‍കുന്നു. ചെങ്ങന്നൂര്‍, മാന്നാര്‍, മാവേലിക്കര സബ് ട്രഷറികളുടെ പരിധിയില്‍ വരുന്ന ഡി.ഡി.ഒ.മാരുടെ പരിശീലനം സെപ്റ്റംബര്‍ 22ന് ഉച്ചകഴിഞ്ഞ് രണ്ടിന് മാവേലിക്കര പീറ്റ് മെമ്മോറിയല്‍ ട്രെയിനിങ് കോളജ് ഓഡിറ്റോറിയത്തില്‍ നടക്കും. കായംകുളം, നൂറനാട്, മുതുകുളം, ഹരിപ്പാട് സബ്ട്രഷറിയുടെ പരിധിയിലുള്ളവര്‍ക്ക് സെപ്റ്റംബര്‍ 23ന് രാവിലെ 10 മുതല്‍ കൃഷ്ണപുരം ടെക്‌നിക്കല്‍ ഹൈസ്‌കൂള്‍ ഓഡിറ്റോറിയത്തിലും മങ്കൊമ്പ് സബ്ട്രഷറിയുടെ പരിധിയിലുള്ളവര്‍ക്ക് സെപ്റ്റംബര്‍ 26ന് രാവിലെ 10 മുതല്‍ കളക്ടറേറ്റ് കോണ്‍ഫറന്‍സ് ഹാളിലും പരിശീലനം നല്‍കും.