ശാസ്താംകോട്ട: കുമ്പളത്ത് ശങ്കുപിള്ള മെമ്മോറിയല്‍ ദേവസ്വം ബോര്‍ഡ് കോളജിലെ മലയാളവിഭാഗത്തിന്റെ സുവര്‍ണജൂബിലി ആഘോങ്ങള്‍ക്ക് തുടക്കമായി.
തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍ ഉദ്ഘാടനം ചെയ്തു. ദേവസ്വം ബോര്‍ഡഡിന് ഒരു യൂനിവേഴ്‌സിറ്റി വേണമെന്നും അതിന്റെ ആസ്ഥാനം ശാസ്താംകോട്ട കോളജില്‍ ആണ് പ്രവര്‍ത്തിപ്പിക്കേണ്ടതെന്നും പ്രയാര്‍ പറഞ്ഞു.
കോളജ് പ്രിന്‍സിപ്പല്‍ ഡോ.കെ മോഹനകുമാര്‍ അധ്യക്ഷനായി. കവിയും, ഗാനരചയിതാവുമായ ശ്രീകുമാരന്‍തമ്പി മുഖ്യ അതിഥിയായി പങ്കെടുത്തു. റാങ്കുജേതാക്കളെ അനുമോദിക്കലും, ഗുരുവന്ദനവും പൂര്‍വ വിദ്യാര്‍ഥിയും ദൂരദര്‍ശന്‍ ഡയറക്ടറുമായ ജോണ്‍ശാമുവല്‍ നിര്‍വഹിച്ചു. ആര്‍. ആരുണ്‍കുമാര്‍, ഡോ. കെ. സന്തോഷ്, ഡോ. ബി. ബീന, ഡോ. ആര്‍.എസ് ഹരികുമാര്‍, എസ്. അനന്ദപത്മനാഭന്‍, ഡോ. ടി.എ ഗീതാദേവി, ഡോ. സി. ഉണ്ണികൃഷ്ണന്‍ സംസാരിച്ചു.