തിംഫു: സാഫ് അണ്ടര്‍ 18 ഫുട്‌ബോള്‍ പോരാട്ടത്തില്‍ ഇന്ത്യക്ക് തുടര്‍ച്ചയായ രണ്ടാം ജയം. ഒന്നിനെതിരേ രണ്ട് ഗോളുകള്‍ക്ക് ഇന്ത്യ മാലെദ്വീപിനെ വീഴ്ത്തി. ആദ്യ പകുതിയില്‍ ഒരു ഗോളിന് പിന്നില്‍ നിന്ന ശേഷം തിരിച്ചടിച്ച് സമനില പിടിച്ച ഇന്ത്യ രണ്ടാം പകുതിയില്‍ അഭിഷേക് ഹല്‍ദര്‍ നേടിയ ഉജ്ജ്വലമായൊരു ലോങ് റേഞ്ച് ഷോട്ട് ഗോളിലാണ് വിജയം പിടിച്ചത്. നേരത്തെ ആദ്യ മത്സരത്തില്‍ ഇന്ത്യ 3-0ത്തിന് ഭൂട്ടാനെ തകര്‍ത്തിരുന്നു.