തൃപ്രയാര്‍: ബഹുസ്വരതയുടെയും മത സഹിഷ്ണുതയുടെയും പവിത്രമായ പുണ്യഭൂമിയാണു നമ്മുടേതെന്നും, പൂര്‍വ്വികന്മാര്‍ വളര്‍ത്തി വലുതാക്കിയ മഹിതമായ മൂല്യങ്ങള്‍ കാത്തുസൂക്ഷിക്കേണ്ടത് പുതിയ തലമുറയുടെ ബാധ്യതയാണെന്നും മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പി.എം സാദിഖലി പറഞ്ഞു.
നാട്ടിക സി.എസ് സെന്ററില്‍ നടന്ന മുസ്‌ലിം യൂത്ത് ലീഗ് നാട്ടിക നിയോജക മണ്ഡലം പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ബഹുസ്വരതയെ അംഗീകരിച്ച് കൊണ്ട് തന്നെയാണ് എല്ലാ മതങ്ങളും മുന്നോട്ട് പോയിട്ടുള്ളതെന്നും എന്നാല്‍ സങ്കുചിത വാദികള്‍ മതങ്ങള്‍ക്ക് ഏകശിലാരൂപം നല്‍കാന്‍ ശ്രമിക്കുകയാണെന്നും ഇത്തരത്തിലുള്ളവരാണ് രാജ്യത്ത് വര്‍ഗീയതയും തീവ്രവാദവും വളര്‍ത്തുന്നതെന്നും അദ്ദേഹം പറഞ്ഞു.
 മുസ്‌ലിം യൂത്ത് ലീഗ് നിയോജക മണ്ഡലം പ്രസിഡന്റ് എ.എ അദ്‌നാന്‍ അധ്യക്ഷനായി. മുസ്‌ലിം യൂത്ത് ലീഗ് ജില്ലാ പ്രസിഡന്റ് കെ.കെ അഫ്‌സല്‍, മുസ്‌ലിം ലീഗ് ജില്ലാ വൈസ് പ്രസിഡന്റ് പി.കെ ഷാഹുല്‍ ഹമീദ്, മണ്ഡലം പ്രസിഡന്റ് സി.കെ അഷറഫലി, യൂസഫ് പടിയത്ത്, എ.എം സനൗഫല്‍, ആര്‍.എം മനാഫ്, നൗഷാദ് തളിക്കുളം, പി.എ നിയാസ് സംസാരിച്ചു.