തിരുവനന്തപുരം: കേന്ദ്ര സംസ്ഥാന സര്‍ക്കാറുകളുടെ നയങ്ങള്‍ക്കെതിരെ യു.ഡി.എഫ് നടത്തുന്ന സമരത്തിന് തുടക്കമായി. സംസ്ഥാന വ്യാപകമായാണ് സമരം സംഘടിപ്പിച്ചിരിക്കുന്നത്. വ്യാഴാഴ്ച രാവിലെ പത്തിന് ആരംഭിച്ച സമരം വെള്ളിയാഴ്ച രാവിലെ പത്തു വരെ നീളും.

തിരുവന്തപുരത്ത് സെക്രട്ടറിയേറ്റിന് മുന്നില്‍ കെ.പി.സി.സി അധ്യക്ഷന്‍ എം.എം ഹസന്‍ സമരം ഉദ്ഘാടനം ചെയ്തു.

മറ്റു ജില്ലകളില്‍ കലക്ടറേറ്റിനു മുന്നിലാണ് സമരം. തൃശൂരില്‍ പ്രതിപക്ഷ നേതാവ് രമേശ് ചെന്നിത്തലയും കൊച്ചിയില്‍ കെ.പി.സി.സി മുന്‍ അധ്യക്ഷന്‍ വി.എം സുധീരനുമാണ് ഉദ്ഘാടകര്‍.

ഇന്ധന വിലക്കയറ്റം തടയാന്‍ കേന്ദ്ര സംസ്ഥാന സര്‍ക്കാറുകള്‍ നികുതി കുറക്കണമെന്ന് ചെന്നിത്തല ആവശ്യപ്പെട്ടു. ഇന്ധന വില കുറക്കണമെന്ന് ഒരിക്കല്‍ പോലും കേന്ദ്രത്തോട് ആവശ്യപ്പെടാത്ത മുഖ്യമന്ത്രിയാണ് പിണറായി വിജയനെന്ന് സുധീരന്‍ ആരോപിച്ചു.