ഇസ്‌ലാമാബാദ്: അമേരിക്കയിലേക്കുള്ള എല്ലാ വിമാന സര്‍വിസുകളും നിര്‍ത്തിവയ്ക്കാന്‍ പാക് ദേശീയ വിമാനക്കമ്പനിയായ പാകിസ്താന്‍ ഇന്റര്‍നാഷനല്‍ എയര്‍ലൈന്‍സ് (പി.ഐ.എ) ഒരുങ്ങുന്നു. അടുത്ത ജനുവരി മുതലാണ് സര്‍വിസ് നിര്‍ത്തുന്നത്. ആഴ്ചയില്‍ രണ്ടു തവണ ന്യൂയോര്‍ക്കിലേക്ക് പറക്കുന്ന വിമാനത്തിലേക്ക് നവംബറിനുശേഷമുള്ള ബുക്കിങ്ങുകള്‍ നിലവില്‍ സ്വീകരിക്കുന്നില്ലെന്ന് പാക് മാധ്യമം ഡോണ്‍ റിപ്പോര്‍ട്ട് ചെയ്തു. ലാഹോര്‍ ന്യൂയോര്‍ക്ക്, കറാച്ചി ലാഹോര്‍ ന്യൂയോര്‍ക്ക് സര്‍വിസുകള്‍ ഡിസംബര്‍ 31 വരെ തുടരും.
യാത്രക്കാരുടെ എണ്ണം കുറവായതാണ് സര്‍വിസുകള്‍ നിര്‍ത്തിവയ്ക്കാനുള്ള നീക്കത്തിനു പിന്നിലെന്നാണ് വിമാനക്കമ്പനി അധികൃതര്‍ പറയുന്നത്. പി.ഐ.എയുടെ സാമ്പത്തികനില മെച്ചപ്പെട്ട ശേഷം സര്‍വിസുകള്‍ പുനരാരംഭിക്കുമെന്ന് കമ്പനി അറിയിച്ചിട്ടുണ്ട്.