ദോഹ: ഖത്തര്‍ സ്വദേശികള്‍ ആഴ്ചയില്‍ 45 മണിക്കൂര്‍ ഇന്റര്‍നെറ്റിന് മുന്നില്‍ ചെലവഴിക്കുന്നതായി സര്‍വേ. നോര്‍ത്ത് വെസ്റ്റേണ്‍ യൂനിവേഴ്‌സിറ്റിയാണ് സര്‍വേ നടത്തിയത്.
മിഡില്‍ ഈസ്റ്റിലെ മറ്റു രാജ്യങ്ങളിലുള്ളവര്‍ ആഴ്ചയില്‍ 27 മണിക്കൂറാണ് ഇന്റര്‍നെറ്റിനു മുന്നില്‍ ചെലവഴിക്കുന്നതെന്നും സര്‍വേ കണ്ടെത്തി. സഊദി അറേബ്യ, യു.എ.ഇ, ഖത്തര്‍, ലബനാന്‍, ജോര്‍ദാന്‍, ടുണീഷ്യ, ഈജിപ്ത് തുടങ്ങിയ രാജ്യങ്ങളിലുള്ളവരിലാണ് സര്‍വേ നടത്തിയത്. ഓരോ രാജ്യത്തുനിന്നും ആയിരംപേര്‍ വീതം സര്‍വേയില്‍ പങ്കെടുത്തു. മൊത്തം 7,196 പേര്‍ സര്‍വേയില്‍ പങ്കെടുത്തു. ഖത്തറില്‍ ഫോണ്‍ മുഖേനയായിരുന്നു സര്‍വേ. പൗരന്‍മാര്‍, പ്രവാസികള്‍ ഉള്‍പ്പെടെയുള്ളവരുമായി വിവരാന്വേഷണം നടത്തി. സാമൂഹ്യമാധ്യമങ്ങള്‍, സ്‌നാപ്ചാറ്റ് എന്നിവ ഉപയോഗിക്കുന്നതിലും ഖത്തര്‍ സ്വദേശികളാണ് മുന്നില്‍.