മുംബൈ: ന്യൂസിലാന്‍ഡ് പര്യാടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. മൂന്നു മത്സരങ്ങളാണ് പരമ്പരയിലുള്ളത്. സീനിയര്‍ താരങ്ങളായ ആര്‍.അശ്വിന്‍, രവീന്ദ്ര ജഡേജ, യുവരാജ് സിങ് എന്നിവര്‍ക്ക് വീണ്ടും വിശ്രമം നല്‍കിയിരിക്കുകയാണ് സെലക്ഷന്‍ കമ്മിറ്റി.

പേസര്‍മാരായ ഉമേഷ് യാദവിനും മുഹമ്മദ് ഷമിക്കും ഇത്തവണ ടീമിലിടം പിടിക്കാനായില്ല. എന്നാല്‍, വിക്കറ്റ് കീപ്പര്‍ ദിനേഷ് കാര്‍ത്തിക്കും പേസര്‍ ശര്‍ദുല്‍ താക്കൂറും ടീമില്‍ തിരിച്ചെത്തി. വിന്‍ഡീസ് പരമ്പരയ്ക്കുശേഷം ഇപ്പോഴാണ് ദിനേഷ് കാര്‍ത്തിക് ടീമിലിടം നേടുന്നത്.

ഈ മാസം 22ന് വങ്കഡേ സ്‌റ്റേഡിയത്തിലാണ് ആദ്യ മത്സരം. രണ്ടാം മത്സരം 25ന് പൂനെയിലും 29ന് കാണ്‍പൂരില്‍ മൂന്നാം മത്സരവും നടക്കും.

ഇന്ത്യന്‍ ടീം: വിരാട് കോഹ്‌ലി (ക്യാപ്റ്റന്‍), രോഹിത് ശര്‍മ (വൈസ് ക്യാപ്റ്റന്‍), ശിഖര്‍ ധവാന്‍, അജിങ്ക്യ രാഹനെ, മനീഷ് പാണ്ഡെ, കേദര്‍ ജാദവ്, ദിനേഷ് കാര്‍ത്തിക്, എം.എസ് ധോണി (കീപ്പര്‍), ഹര്‍ദിക് പാണ്ഡ്യ, അക്ഷര്‍ പട്ടേല്‍, കുല്‍ദീപ് യാദവ്, യുസ്‌വേന്ദ്ര ചാഹല്‍, ജസ്പ്രീത് ഭുംമ്ര, ഭുവനേശ്വര്‍ കുമാര്‍, ശര്‍ദുല്‍ താക്കൂര്‍.