ആലുവ : ഭാരതത്തിന്റെ സ്വാതന്ത്ര്യദിനം ആഘോഷിക്കുന്ന വേളയില്‍ എസ്.കെ.എസ്.എസ്.എഫ്. സംസ്ഥാന കമ്മിറ്റിയുടെ ആഹ്വാനപ്രകാരം 170 കേന്ദ്രങ്ങളില്‍ നടക്കുന്ന ഫ്രീഡം സ്‌ക്വയറിന്റെ ഭാഗമായി ആലുവ മേഖല ഫ്രീഡം സ്‌ക്വയര്‍ 2016 ആഗസ്റ്റ് 15 രാവിലെ 8.30 ന് കുന്നുകര ജംഗ്ഷനില്‍ നടക്കും.
മേഖല പ്രസിഡന്റ് ഉസ്മാന്‍ ഫൈസി അദ്ധ്യക്ഷത വഹിക്കുന്ന ചടങ്ങ് എസ്.കെ.ഐ.സി. സൗദി നാഷണല്‍ പ്രസിഡന്റ് അബൂബക്കര്‍ ഫൈസി ചെങ്ങമനാട് ഉദ്ഘാടനം നിര്‍വ്വഹിക്കുന്നു. കുന്നുകര മഹല്ല് പ്രസിഡന്റ് വി.എം. അഷ്‌റഫ് പതാക ഉയര്‍ത്തലും, ജില്ലാ വര്‍ക്കിംഗ് സെക്രട്ടറി അബ്ദുള്ള ഇസ്ലാമിയ ഫ്‌ളാഗ് സല്യൂട്ടും, എടയപ്പുറം ജുമാമസ്ജിദ് ഖത്തീബ് ബുഹാരി ഫൈസി തിരുവനന്തപുരം മുഖ്യപ്രഭാഷണവും നടത്തുന്നു. എസ്.കെ.ജെ.എം. ജില്ലാ സെക്രട്ടറി അബ്ദുസ്സമദ് ദാരിമി പ്രതിജ്ഞ ചൊല്ലിക്കൊടുക്കുന്നു. ജില്ലാ വൈസ് പ്രസിഡന്റ് ജാഫര്‍ കുന്നുകര നന്ദിയും പറയും.