കണ്ണൂര്‍: ലൈബ്രറി കൗണ്‍സില്‍ നേതൃത്വത്തില്‍ ഐ.വി ദാസിനെ അനുസ്മരിച്ചു. ജില്ലാ ലൈബ്രറിയില്‍ നടന്ന പരിപാടിയില്‍ നെഹ്‌റുവും ശാസ്ത്രബോധവും എന്ന വിഷയം അവതരിപ്പിച്ച് ശാസ്ത്രസാഹിത്യ പരിഷത് സംസ്ഥാന പ്രസിഡന്റ് ടി. ഗംഗാധരന്‍ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് എം. മോഹനന്‍ അധ്യക്ഷനായി. ജനസഭയെകുറിച്ച് പി.കെ ബൈജു വിശദീകരിച്ചു.
താക്കോല്‍ദാനം
നിര്‍വഹിച്ചു
ചക്കരക്കല്‍: സലാല കെ.എം.സി.സി കാപ്പാട് നിര്‍മിച്ച ബൈത്തുറഹ്മയുടെ താക്കോല്‍ദാനം സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. സൈഫുദ്ദീന്‍ തലശ്ശേരി അധ്യക്ഷനായി. വി.കെ അബ്ദുല്‍ ഖാദര്‍ മൗലവി, അബ്ദുള്‍ കരീം ചേലേരി, അഡ്വ. കെ.എ ലത്തീഫ്, കെ.സി മുഹമ്മദ് ഫൈസല്‍, ഹുസൈന്‍ കാച്ചിലോടി, കാസിം മാവുള്ളതില്‍, എം.പി മുഹമ്മദലി, കെ.പി താഹിര്‍, അയ്യൂബ് കാപ്പാട്, പ്രകാശന്‍, ദിനേശ് ബാബു, ഫാറൂഖ്, അയ്യപ്പന്‍ കോനാട് സംസാരിച്ചു.