കോട്ടയം: കേരളാ കോണ്‍ഗ്രസ് (എം) ജില്ലാ പ്രസിഡന്റായി സണ്ണി തെക്കേടത്തിനെ തെരഞ്ഞെടുത്തു. കോട്ടയത്ത് നടന്ന ജില്ലാ നേതൃയോഗത്തിലാണ് തെരഞ്ഞെടുപ്പ്. യൂത്ത് ഫ്രണ്ട് (എം) കടുത്തുരുത്തി നിയോജകമണ്ഡലം സെക്രട്ടറി, പാര്‍ട്ടി കാണക്കാരി മണ്ഡലം പ്രസിഡന്റ്, കേരളാ കോണ്‍ഗ്രസ് (എം) കടുത്തുരുത്തി നിയോജകമണ്ഡലം പ്രസിഡന്റ്, കാണക്കാരി ഗ്രാമപഞ്ചായത്ത് പ്രസിഡന്റ്, ജില്ലാ പഞ്ചായത്ത് മെമ്പര്‍ എന്നീ നിലകളില്‍ പ്രവര്‍ത്തിച്ചിട്ടുള്ളതും കേരളാ കോണ്‍ഗ്രസ് (എം) ഓഫീസ് ചാര്‍ജ്ജ് ജനറല്‍ സെക്രട്ടറി, മീനച്ചില്‍ എ.ഡി ബി. ഡയറക്ടര്‍ ബോര്‍ഡംഗം എന്നീ മേഖലകളില്‍ ഇപ്പോള്‍ പ്രവര്‍ത്തിച്ചുവരുന്നതുമാണ്. നേതൃയോഗം പാര്‍ട്ടി ചെയര്‍മാന്‍ കെ.എം.മാണി ഉദ്ഘാടനം ചെയ്തു.
വര്‍ക്കിങ് ചെയര്‍മാന്‍ പി.ജെ. ജോസഫ്, സി.എഫ്. തോമസ്, ജോസ് കെ.മാണി, ജോയി ഏബ്രഹാം, മോന്‍സ് ജോസഫ്, ഡോ. എന്‍.ജയരാജ്, തോമസ് ചാഴികാടന്‍, ഇ.ജെ. ആഗസ്തി, തോമസ് ഉണ്ണിയാടന്‍ തുടങ്ങിയവര്‍ പങ്കെടുത്തു. ജോസഫ് മണ്ഡപം വരണാധികാരി ആയിരുന്നു.