തിരുവനന്തപുരം: വര്‍ക്കല കാപ്പില്‍ പൊഴിമുഖത്ത് പ്രാദേശിക മാധ്യമപ്രവര്‍ത്തകനെ തിരയില്‍പ്പെട്ട് കാണാതായി. പരവൂര്‍ സ്വദേശി ശ്രീകുമാര്‍ (47)നെയാണ് കാണാതായത്. പൊലിസും ഫയര്‍ ഫോഴ്സും സ്ഥലത്ത് തിരച്ചില്‍ തുടരുകയാണ്.

കോയമ്പത്തൂരില്‍ നിന്നുള്ള സുഹൃത്തുക്കള്‍ക്കൊപ്പം ഉച്ചകഴിഞ്ഞ് കുളിക്കാനെത്തിയപ്പോഴാണ് അപകടമുണ്ടായത്. കുളിക്കുന്നതിനിടെ ശ്രീകുമാര്‍ വെള്ളത്തിലേക്ക് വീഴുകയും ഒഴുകിപ്പോവുകയുമായിരുന്നു. കായല്‍പ്പൊഴിയില്‍ ശക്തമായ അടിയൊഴുക്കുണ്ടായിരുന്നു. 

അടിയൊഴുക്ക് ശക്തമായതിനാല്‍ രക്ഷാപ്രവര്‍ത്തനം ദുഷ്‌കരമാണെന്നാണ് രക്ഷാപ്രവര്‍ത്തകര്‍ പറയുന്നത്. എസിവി ന്യൂസ്, പരവൂര്‍ ന്യൂസ്, കേരള കൗമുദി തുടങ്ങിയ മാധ്യമങ്ങളില്‍ ജോലി ചെയ്തിട്ടുള്ള വ്യക്തിയാണ് കാണാതായ ശ്രീകുമാര്‍.

സമീപകാലത്ത് നിരവധി അപകടങ്ങള്‍ ഉണ്ടാവുന്ന പ്രദേശമാണ് കാപ്പില്‍ ബീച്ച്. പരവൂര്‍, ഇവിടെ ലൈഫ് ഗാര്‍ഡുകളുടെ എണ്ണം കുറവാണെന്ന ആക്ഷേപം ഉയര്‍ന്നിരുന്നു. സ്ഥലത്ത് കൃത്യമായ സുരക്ഷാ സംവിധാനങ്ങള്‍ ഏര്‍പ്പെടുത്തണമെന്ന ആവശ്യം ശക്തമാണ്.

A local journalist, Sreekumar (47), has gone missing at Varkala Beach while swimming with friends from Coimbatore. After falling into the water, he was swept away by strong currents.