സിയൂള്‍: ദക്ഷിണ കൊറിയന്‍ നടന്‍ കിം ജൂ ഹ്യൂക് (45) വാഹനാപകടത്തില്‍ മരിച്ചു. കൊറിയയിലെ ഒട്ടേറെ ഹിറ്റ് ചിത്രങ്ങളുടെ നായകനായ ഇദ്ദേഹം ഇന്നലെ നടന്ന കാറപകടത്തിലാണ് മരിച്ചത്.
നിയന്ത്രണംവിട്ട കാര്‍ മറ്റൊരു കാറുമായി കൂട്ടിയിടിച്ചു മറിയുകയായിരുന്നു. സംഭവസമയത്ത് കിം തന്നെയായിരുന്നു കാര്‍ ഓടിച്ചിരുന്നത്. 20ാം വയസില്‍ അഭിനയം തുടങ്ങിയ ഇദ്ദേഹം റൊമാന്റിക്, കോമഡി സിനിമകളിലായിരുന്നു ആദ്യകാലത്ത് അഭിനയിച്ചിരുന്നതെങ്കിലും പിന്നീട് ക്രൈം ത്രില്ലറുകളില്‍ വേഷമിട്ടിരുന്നു. കൊറിയന്‍ സിനിമയെ ലോകപ്രശസ്തിയിലേക്കെത്തിക്കുന്നതില്‍ നിര്‍ണായക പങ്കുവഹിച്ച വ്യക്തിയാണ് കിം ജൂ ഹ്യൂക്.