കോഴിക്കോട്: റവന്യൂ ജില്ലാ ശാസ്ത്ര, ഗണിതശാസ്ത്ര, സാമൂഹ്യശാസ്ത്ര, പ്രവൃത്തിപരിചയ, ഐ.ടി മേള നവംബര്‍ 6, 7, 8 തിയതികളിലായി നടക്കും. നാലു വേദികളിലായി നടക്കുന്ന ശാസ്‌ത്രോത്സവത്തില്‍ 17 ഉപജില്ലകളിലെ 15000 പ്രതിഭകള്‍ മാറ്റുരക്കും.
ആറിന് ആര്‍.കെ മിഷന്‍ സ്‌കൂളില്‍ നടക്കുന്ന ചടങ്ങില്‍ ഡോ. എം.കെ മുനീര്‍ എം.എല്‍.എ ഉദ്ഘാടനം നിര്‍വഹിക്കും. എട്ടിനു നടക്കുന്ന സമാപന സമ്മേളനം എ. പ്രദീപ്കുമാര്‍ എം.എല്‍.എ ഉദ്ഘാടനം ചെയ്യും. വാര്‍ത്താസമ്മേളനത്തില്‍ ജില്ലാ വിദ്യാഭ്യാസ ഓഫിസര്‍ ടി.കെ അജിത്കുമാര്‍, അഡ്മിനിസ്‌ട്രേറ്റിവ് അസിസ്റ്റന്റ് ടി. രാധ, സീനിയര്‍ സൂപ്രണ്ട് എം. ഇന്ദിര സംബന്ധിച്ചു.