തിരുവനന്തപുരം: വീട്ടുതടങ്കലില്‍ പീഡനം അനുഭവിക്കുന്ന ഹാദിയയ്ക്ക് സംരക്ഷണം നല്‍കാതെ പിണറായി സര്‍ക്കാര്‍ ഹിന്ദു വര്‍ഗീയ ശക്തികള്‍ക്ക് ഒത്താശ ചെയ്യുന്നുവെന്ന് ദളില് ചിന്തകനും എഴുത്തുകാരനുമായ സണ്ണി എം. കപിക്കാട്. ഇഷ്ടപ്പെട്ട മതം സ്വീകരിച്ചതിന്റെ പേരിലാണ് ഹാദിയ പീഡനത്തിരയാകുന്നത്.
ഹാദിയ വിഷയത്തില്‍ സര്‍ക്കാര്‍ ശക്തമായ നിലപാട് സ്വീകരിക്കണമെന്ന് ആവശ്യപ്പെട്ട് പി.ഡി.പി സംഘടിപ്പിച്ച സെക്രട്ടേറിയറ്റ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.
മുസ്‌ലീം സംയുക്ത വേദി പ്രസിഡന്റ് പാച്ചല്ലൂര്‍ അബ്ദുല്‍സലിം മൗലവി, സാമൂഹികപ്രവര്‍ത്തകന്‍ എ.എസ്.അജിത്കുമാര്‍, പി.ഡി.പി നേതാക്കളായ വര്‍ക്കല രാജ്, സാബുകൊട്ടാരക്കര, മയിലക്കാട് ഷാ, പാച്ചിറ സലാഹുദ്ദീന്‍, ശശികുമാരി, രാജീമണി എന്നിവര്‍ സംസാരിച്ചു. സ്ത്രീകളുള്‍പ്പെടെ നിരവധി പേര്‍ പങ്കെടുത്തു.